Hawnna inkhawma thusawiin Pu Vanlalzawma chuan, Mizorama Political party tam zawkin BJP zawm nih duh lovin an khingpui te BJP nen inzawm anga inpuh tawnna a thleng mek niin a sawi a, hetihlai hian BJP te chu an huangtau hle nia sawiin BJP zawmpui nih duh lo tak tak te chu inpuh tawn lova ngaihtuahna senho a \ul tawh niin a sawi a, MNF chu hmarchhak biala Congress leh a thawhpuite ni lo party hrang hrangte telna NEDA-a an tel avangin BJP nen an thawkho tihna a ni lo tih sawiin, kumin inthlanna neih turah pawh an party chuan Assembly bial zawng zawngah Candidate an dah vek a, hei hian BJP leh an party an thawhdun loh zia a tichiang hle niin a sawi a ni.
Pu Vanlalzawma chuan Mizoramah sorkar lai te chu \ha leh lian viaua an inngaih laiin an tla fo niin a sawi a, tuna Congress sorkar erawh chu \um dang ang lo takin an MLA ni lai leh party miten an chhuahsan avangin an buai hle a, chung mite chuan MNF an zawm ta zel nia sawiin, hei hi rorel lai pawl Congress an tla dawn tih tilangtu niin a sawi a ni. He inkhawm hi Maubawk MNF Unit President, Pu H. Lalrinawma’n a kaihruai a, Councillor Pu Lalhmingmawia’n thu a sawi bawk.
