He inkhawm Aizawl Kanan Venga Aizawl West II bialtu MLA Pu Lalruatkima chenna ina neih hi he bial MNF Block Preisdent, Pu R. Thanglura’n a kaihruai a, Pu Lalruatkima chuan, amah thlangtlingtu Aizawl West II mipuite chungah leh kum 5 chhung tlinglo taka MLA niha hma a laknaah mipuite \awiawmna avangin lawmthu a sawi a, tun inthlannaa hnehna sang tak a chang thei chu ropui a tih thu sawi. Pu Lalruatkima chuan, tunkar Inrinniah sorkar thar lakluh a ni dawn niin a sawi a, Minister turte pawh Larsap hnenah an thehlut vek tawh tih sawiin MNF sorkar thar piang tur chungchangah Mizoram Governor chu RSS pachal a nih avangin Pu Zoramthanga duh danin, National Anthem sak zawh hunah Bible chhiar leh \awng\aina neih a ni dawn a, hemi atan hian MKHC Chairman, Rev. Lalhmingthanga ruat niin a sawi. Leprosy Choir-ten Halleluiah Chorus an rem dawn tih sawiin, “Kan ram hi Krista tan kan pe a, Pathian leh kan ram tan Halleluiah Chorus nen bul\an a ni dawn,” a ni a ti. Pu Lalruatkima chuan MNF sorkarin a ngaihpawimawh hmasak tur chu Mizoram kawngpui chhe siam\hat, zu avanga harsatna mipuiten an tawh tihreh tura hmalak te niin a sawi a, school kai hun hman mek chu naupangte hriselna tichhetu nia sawiin, ennawn nghal a ni dawn niin a sawi bawk.
