A hmanpuitu, he biala Congress Official Candidate, Pu PC Laltlansanga chuan, Assembly inthlanah an party-in hnehna a chan ngei theih nan Unit-te chu \hahnem ngai taka hnathawk turin a chah a, a nih loh chuan kum 5 chhung opposition biala awm leh theih a nih avangin \anla turin a ngen a ni. Pu PC Laltlansanga chuan, Congress Party chu sorkar leh turin an dinhmun a \ha hle tih sawiin, tunah hian chhim lama bial 12 chu la vek thei khawpin an dinhmun a \ha mek a, hmar lam bial engemawzat pawh la thei turin an inpuahchah mek a ni, a ti. Tunah hian hmarchhak bial tam zawkah BJP-in MLA tlem te te nei chung NEDA kaihhruai BJP sorkar a ding tawh a, thuneihna an chan lohna awmchhun Mizoramah beihpui an thlak mek a, Chakma leh Tuikuk tamna bialah hemi atan hian theihtawp an chhuah a, MLA 2/1 lek nei chungin an sorkar mai ang tih a hlauhawm hle tih sawiin, Pu PC Laltlansanga chuan, BJP dang tur hian Congress Party chu dinhmun \ha ber an nih angin an chak theih nan \anlak a \ul tih a sawi. MNF President, Pu Zoramthanga TV Programme-a an kawmnaah MNF chauh ni lo. ZNP leh MPC te pawh NEDA-a tel anga a sawi chu hmai phihfai tumna mai nia sawiin, tun hnaia BJP President, Amit Shah-a’n kumina Krismas lo thleng tur chu Mizoramin BJP kaihhruai sorkar hnuaia a hman tur thu a sawi chuan MNF chu hmanrua a tan hman an tum tih a hriattheih niin Pu PC Laltlansanga chuan a sawi.
He \hutkhawmna hi Aizawl West I Congress Block President, Pu Zohmangaiha’n a kaihruai a, an block chhunga Unit hrang hrang hruaitute, |halai leh Mahila hruaitu telin, kumina Assembly inthlanpui neih turah an biala Congress Official Candidate, Pu PC Laltlansanga a chak theih nana hmalak dan tur hrang hrang an rel a ni.
