Pu Lal Thanhawla kaihhruai Congress Sorkar chu eptuten an thil tih dik lo leh tihsual sawi tur an hre lo nia sawiin, Mizoramah kum 10 aia rei sorkar an la awm lo tih bak \an chhan an nei lo niin a sawi.
Congress party chu hna an thawh \hat avangin an sorkar chhunzawm leh ngei dawn tih mipuite pawhin an ring a, hetiang hi thil awmdan a nih avangin Candidate siam chungchangah pawh thutlukna siam mai a harsa a, Congress party chu \halai leh kum lama naupang zawkte chher duhtu a nih angin tuna MLA dinglai ang diak diak ni lova Candidate siam duhtu leh rawtna \hahnem tak an dawng a, hei hi an hotuten ngun taka an ngaihtuah hnuah tuna thutlukna hi an siam ta niin a sawi. Pu KS Thanga chuan, Aizawl West I-ah hian an Party chuan tun hmain MLA a la nei ngai lo nia sawiin, tuna boruak awm danah chuan he bialah hian Congress MLA an nei ngei dawn nia a lan thu a sawi bawk.
Aizawl West I biala Congress Candidate, Pu PC Laltlansanga pawhin MNF au hla ber SEDP chu MNFa awm laia an hruaitute duhsakna zarah a duangtu zingah a tel ve tih sawiin, a nihna takah chuan thil \ha thleng se an duh a, an ngaihtuahna mai a ni, a ti a. SEDP chu tihlawhtling thei pawh ni se, cheng nuai 3 hi khawi a mi nge an sem ang tih an inzawt fo a \hin niin a sawi. MNF party-a a chhuah chhanah MNF campaigner ten MLA seat a chan loh vang tia an sawi chu thudik lo a ni tih sawiin, Pu PC Laltlansanga chuan, ram leh leh mipui tan Politics-a lut a ni tih mipuiten hria se a duh thu a sawi. He inkhawmah hian Congress Party zawm thar mi engemawzat chu Pu PC Laltlansanga hian a lawmlut a ni.
