Aizawl West I Congress Block Committee-in vawiin khan Ramrikawnah vantlang inkhawm an buatsaih a, a hmanpuitu he biala Congress official candidate, Pu PC Laltlansanga chuan, State puitlinga Mizoram hlankai a nih hnuah Aizawl West I bialah chuan Congress candidate-te thlan tlin an la ni ve ngai lo tih sawiin, he bialin chak zawka hma a sawn theih nan Congress party chu enchhin ve turin mipuite a ngen.

Pu PC Laltlansanga chuan, an bialah hian kum 20 chuang MNF-in MLA an nei nia sawiin, heti chung hian hmasawnna a hnufum em em reng niin a sawi a, veng \henkhat vawiin thlenga tui connection chungchanga harsatna tawk an la awm a, Community hall, indoor stadium, khelmual \ha, futsal ground, \halai te infiamna tur Basketball leh Volley Ball Court nei lo leh siam \hat ngai an tam hle tih sawiin, veng chhung inkalpawhna kawngpui siam ngai tam tak awmte chu thil tithei dinhmuna mipuiten an siam chuan chak taka bawhzui a nih tur thu a sawi a ni. Pu PC Laltlansanga chuan, MLA fund chu kumtin nuai 100 dawn a ni tih sawiin, hei hi dik taka hman a nih chuan hmasawnna hna tam tak a thawh theih a ni tih a sawi a, Pathian leh mipui zarah thlantlin a nih chuan dik takin MLA fund hi hman a ni ang a, miharsa zawk te tan MLA fund hman dan an ngaihtuah tur thu a sawi.

A hmanpuitu dang Aizawl North III-a Congress candidate, Pu Lal Thanzara pawhin, Chakma Autonomous District Council-a BJP nen an thawh dunna chu hun engemawchen kal tawh a\ang khan an titawp tawh niin a sawi a. An thawh dunna an titawp tawh chungin Mizoram Larsap-in BJP duhdanin no confidence motion a koh duh loh avangin sorkar \hiah a la ni lo chauh niin a sawi. He inkhawm hi Tuivamit MPF Local Forum Secretary, Dr Kapliana’n a kaihruai a, Congress party zawm thar mi engemawzat chu Pu PC Laltlansanga hian a lawmlut a ni.