He thu hi tukina Ramrikawna an party Furpui fehchhuah hmawrbawkna inkhawmah sawiin Pu K. Sang\huama chuan, Congress chu hleih nei taka a kal avangin mipuiten sorkar a\anga ham\hatna an dawn tur pawh a rualkhai lo hle niin a sawi a, Assembly bial \henkhat Sorkarin a vulh viau laiin bial \henkhat chu a hnuchhawn niin sawi a, Aizawl West I bial chu a hnuchhawn zinga mi a ni tih sawiin, hemi avang hian mipuite pawh an nih tur ang an ni pha lo niin a sawi a ni. Pu K. Sang\huama chuan, kumin Assembly inthlana an party-in thuneihna an chan chuan Sorkar \ha leh hleih nei lo an din dawn niin a sawi a, hmasawnna pawh rualkhai taka kalpui a nih tur thu sawiin Aizawl West I biala veng leh khua a khelmual leh Hall nei \ha lote pawh \ha tak an neih theih nan hmalak a nih tur thu a sawi a, an mamawh ang zelin a tahtawla hmalak a ni dawn niin a sawi a ni. Pu K. Sang\huama chuan Sorkarin Ration chini a sem loh chungchang sawiin Sorkar laipuiin chini atan Subsidy engemawzat a tum thei chung pawha mipui mamawh sorkarin a sem thei lo chu vanduaithlak niin a sawi a, eirawngbawlna Gas lama harsatna awm pawh sukiang turin sorkarin hma a la tawk lo niin a sawi bawk. Inkhawm hi Aizawl West I Block MNF President, Pu H. Lalramliana’n a kaihruai a, he Ward Councillor, Pu H. Zonunsanga leh Hqrs. hruaituten thu an sawi bawk.
