Hemi puala inkhawm Assembly Speaker pisaa neih hi Assembly Secretary, Pu SR. Zokhuma’n a kaihruai a, hetah hian Chief Minister, Pu Zoramthanga, Home Minister, Pu Lalchamliana, Health Minister, Dr. R. Lalthangliana, Agriculture Minister, Pu C Lalrinsanga, Education Minister, Pu Lalchhandama Ralte, Dy. Speaker, Pu Lalrinawma leh MLA \hahem tak an tel a ni. Puan tawh \hin angin nikum kumtawp lama Assembly inthlanpui neih zawh takah khan ZPM Leader, Pu lalduhoma chu Serchhip leh Aizawl West I bialah thlan tlin a ni a. Pu Lalduhoma hian Serchhip bial chu vawn zui zel atan thlangin Aizawl West I bial hi a chhuah san a, he bial ruak hnawhkhat tur hian Election Commission of India ruahman angin rampuma Lok Sabha inthlanpui neih rual April ni 11 khan inthlanna hi neih a ni a, hetah hian MNF Candidate, Pu Zothantluanga chu hneh taka thlan tlin a ni.
