Aizawl West-I Area MUP leh Zonuam Police Out Post hotute chuan, The Mizoram Maintenance and Welfare of Parents and Senior Citizents’ Rules, 2013 tlawhchhanin Zonuam veng chhunga kum lama upate an faten an ngaihsak leh ngaihsak loh te, hnawk an ti em tih te, harsatna an siam sak \hin em tih te, zu leh drugs-in a tihbuai avanga nu leh pa kutthlak ching an awm em tih te, in a\anga hnawh chhuah tawk an awm em tih te an enfiah a, he dan hnuaiah hian kum lama upate chu an dikna leh chanvo humhalh sak an ni tih hrilhin, hetiang harsatna tawkte chu thuneitute hnena hriattir \hin turin an chah a. Tar chak lo zawkte thawh chhuah ring emaw \halai kum lama upa zawkte laka hlei emaw an awm a nih chuan hemi laka inven nan court-a zualko emaw lung in tan emaw thlenga hrem thei an ni tih \halai zawkte pawhin hria se an duh tih an sawi.
Aizawl West-I Area MUP hruaitute chuan, kum lama upate humhlah tur hian kum 2013 a\ang khan hma an lo lak \an tawh thu an sawi a, kumin pawh hian an pawl thupuiah, ‘Kum Upa thlavang hauh’ tih an hman thu an sawi a. Zonuam Police te pawhin, MUP te nen \ang hoa theihtawp chhuah zel an tum thu an sawi. Aizawl West-I Area MUP leh Zonuam Police Out Post hotute tukina Zonuam veng chhunga kum lama upate an tlawhchhuahnaah hian Zonuam Local Council hruaituten an \awiawm a ni.
