Darkar 24 chhung dawr theih tura he pump hawnna inkhawm, tukina neihah Cooperation Minister Pu C. Lalrinsanga chuan tunhnaiah tuialhthei pawlh dal a awm \hin tih sawi thawm a hriat thu a sawi a, tuialhthei pawlh dal vangin lirtheiin a tuar \hin a, Legal Metrology lam pawhin petrol leh diesel \ha ngei lithei neituten an dawn theih nan tun aia nasa zawka an endik a \ul a ni a ti a, MIZOFED hian darkar 24 chhung pump a hawng a ni mai lova petrol leh diesel thianghlim a pe chhuak tel tur a ni a ti. Cooperation Minister hian mipuite pawh petrol leh diesel an lakte an dawn tur ang a ni em tih leh a \ha tawk em tih belchiang turin a chah a, mipuiten awlsam zawka man chawi lova MIZOFED Petrol Pump an biak pawh theihna tur toll free pawh siam tum a nih thu a sawi bawk. Hemi hnu hian Minister hian lirtheiah petrol thunin darkar 24 chhung chhung service hi a hawng nghal a ni.
Tun dinhmunah MIZOFED hian District 8-ah Petrol pump a nei a, tunhnai khan Lunglei Petrol Pump chu darkar 24 mipuite dawr theih turin an lo hawng tawh a, nikum khan Vairengte pump pawh an lo hawng tawh bawk. Vanapa Hall bula MIZOFED petrol pump hi Thawh\anni a\anga Inrinni thlengin nitin darkar 24 chhung hawn a ni ang a, Pathianniah bik chuan chhun dar 12:30 leh chawhnu dar 3 inkar hawn a ni ang. Vanapa Hall bul MIZOFED pump bik hian sorkar kum liamta 2018-19 chhung khan Petrol pangngai litres 24,04,000 leh XP litres 7,08,000 bakah Diesel litres 12,64,000 a hralh chhuak a, sorkar sum bawmah Rs. 4,11,28,848/- an chhunglut a, Rs. 97,37,594 an hlep a ni.
