A hmanpuitu Central YMA Finance Secretary, Pu Fabian Lalfakawma chuan YMA chu Zawlbuk awm loh hnua khawtlang nun venghim tur leh zonun zemawi humhalh tura din a ni a, a thupui pawh hun awl hman \hat, Zofate hmasawnna ngaihtuah leh Kristian nun dan \ha ngaihsan tih a nih angin, YMA hian tih thiang lo a nei lo tluk a ni, a ti. SRS Convener nibawk, Pu Fabian Lalfakawma chuan, kum 2004 a\ang khan SRS hmangin ruihhlo do beihpui thlak a ni a, hemi a\anga kumin September thlang thleng hian ruihhlo cheng vbch. 23 chuang hu man a ni tawh a, ruihhlo chu tunlaia Mizoramin harsatna a tawh mekna pakhat HIV hluar zel nachhan a nih bawk avangin mahni zawn \heuha do a \ul hle tih a sawi. Hetihrual hian SRS a awmte chu Training pawh nei lova ram leh hnam tana \hahnem ngaihna vanga penchhuak an nih avangin tihdik tawk loh an lo nei palh a nih pawhin mipuite hriatthiamna a ngen tih a sawi bawk.
He inkhawm Tlangnuam Community Hall-a neih hi an Branch YMA President, Pu R. Vanlalhruaia’n a kaihruai a, branch huam chhunga section hrang hrangte chu zaipawl, lengkhawm zai, chheihlam, Quiz leh Recitation hmangin an intihsiak a. The Mizoram Right to Public Service Act, 2015 an zirho nghal bawk. Tlangnuam Branch YMA dinchampha dik tak chu tun thla ni 26 khi a ni a, sorkar chawlh a nih loh avangin vawiin khan an lawm a ni.
