Aizawl-Thenzawl-Lunglei World Bank kawng chu vawiin thleng khan lirthei chitin kal theihin siamtlang a la ni reng a, PWD hotute hnen a\anga thudawn danin ruahsur zel avanga leimin kawng hnawhpingtu awm \hin mahsela, thenfai leh \hin a ni a, vawiin pawh khan Haulawng leh Pukpui inkar hmun hnihah leiminin kawng a hnawhping a, hengte hi khawl hmanga thenfai a ni leh tawh a ni. He kawngah hian hmun hnihah JCB chhawpa kawngping a piang thenfai lehnghal \hin a ni. Lunglei khaw chhunga Lungchhengaw-a kawng chhuat bal avangin tun dinhmunah he kawng a\ang hian Lunglei khawpuiah motor lian ritphur a lut thei lova, Serchhip bula National Highway 54 chhuat huam zau taka a bal bawk avangin Mizoram chhim lama District pathum, Lunglei, Lawngtlai leh Siahaah te chuan motor lian a la lut thei lo a ni. Hemi avang hian Lunglei Bawrhsap chuan petrol leh diesel chu permit hmangin a pe chhuak \an a ni.
