PWD chuan Aizawl-Thenzawl-Lunglei World Bank kawng chhe zual lai, Tlawng leh Pukpui inkar ami siam\hat hna a zo fel \ep tawh. PWD hotute hnen a\anga ZONET thudawn danin Tlawng leh Pukpui inkara kawng chhe zual laia tui chhuahna hmun leh kawng chhuat diak \hinna laia kawng chhuat cement concrete-a siam hna SLT Infracon Pvt. Ltd.-in an thawh mek chu zawhfel \ep a ni tawh a, tunah hian an thawh tura ruat chin km 1 leh meter 128 chu an chhung zo \ep tawh a, hetih lai hian he kawnga a chhe zual lai, Tlawng leh Pukpui inkara kawng chhuata alkatra phah hna pawh zawh thawkhat a ni tawh a, kumin fur ruahtui tlak nasat hma ngeiin zawhfel hman vek an tum niin an sawi a ni. Hetihlai hian he kawng siam a nih avanga Haulawng a\anga Dawn lam kawnga lirthei tlan tir chu la chhunzawm zel a ni a, hei hi kawng siamtuten chak zawka kawng siam hna an thawh theihna tur a ni. Hetihlai hian PWD hotute chuan Haulawng leh Dawn inkar kawng siam\hatna tur sum cheng nuai 100 pawh sorkarah an dil mek niin an sawi a, he sum hmang hian kumin sorkar kum chhung hian he kawng siam\hat hna hi thawh hman tum a ni. Hetihlai hian BRTF kut a\anga Mizoram PWD-in kawng a lak thar, Seling-Champhai kawng siam\hat hna pawh thui tak thawh a ni tawh a, Seling leh Keifang inkar kawng te, Kawlkulh leh Khawzawl inkar kawng te chu alkatra luana siam\hat mek a ni a, hna hi zawhfel \ep a ni tawh a, hetihlai hian Keifang leh Kawlkulh inkar kawng leh Khawzawl leh Champhai inkar kawng te erawh chu fur tuar thei tura kawng chhuatah lung phaha leia chhilh a ni a, he hna hi fur ruahtui tlak tam hma-in zawhfel hman an tum niin kawng enkawltu PWD hotute chuan an sawi a ni.
