Aizawl South III huam chhunga Phulpui MNF Unit-in Remna Ni lawmna an buatsaih chu Assembly Dy. Speaker Pu Lalrinawma’n a hmanpui a, India sorkar leh MNF inremna kha a khawi lam mah duhthusam a lo mah se, lai leh laiah inremna kha an sirtlukpui tih a sawi a. Hnam pasal\hate’n Zoram zalenna suala an beihna kha a thlawn lova, inremna thuthlung khan Mizote himna pawimawh a ni a, a ni chho zel dawn a ni, a ti.

Bialtu MLA, Prof. F. Lalnunmawia pawhin, India sorkar leh MNF inremna kha India leh Mizo mipuite inremna a ni tih sawiin, inremna thuthlungah khan Mizote himna tur thil pawimawh tak tak ziah a ni a; he inremna hi awm ta lo se Mizote hi nasa takin hnam dangin an chim tawh a rinawm a ni, a ti. Phulpuia remna Ni lawmna hi Phulpui MNF Unit Vice President, Pu Laldingliana’n a kaihruai a, YMA, MUP leh MHIP aiawhte pawhin thu an sawi a ni.