Hemi puala inkhawm Maubuang Community Hall-a neih hi Maubuang VCP, Pu C. Laldingngheta’n a kaihruai a, Pu Lalrinliana Sailo chuan, Maubuang chu Speaker a nih hnu a khaw tlawh hmasak ber a ni tih sawiin, Sorkar thar chuan Mizoram leh mipui hmasawn nan theihtawp a chhuah dawn a, Chief Minister viak \ha tak leh ram siam tum tak an neih bawk avangin chak zawka hmasawnna hna thawh theih a beisei tih a sawi a. Chief Minister, Pu Zoramthanga chuan a intiam ang ngeiin nimin khan kawngpui siam\hat dan tur a en nghal a, hei hian Mizoramin rahbi thar a chuangkai ta tih a entir niin a sawi. Pu Lalrinliana Sailo chuan, tunah hian Mizoramah mihring nuai 11 vel an awm a, mihring an la tlem avangin mipuiten tih takzeta hna an thawh chuan nasa takin hmasawnna a awm ang tih chu a beisei tlat tih sawiin, tuna MNF kaihhruai sorkar thara an hotute leh MLA te chu an thawh hona a \ha dawn hle niin a lang a, hei hian ram hmasawnna hna thawh kawngah chak takin a kal theih phah dawn nia a lan thu a sawi. Assembly Speaker chuan, Aizawl South III mipuiten thiamna lama Proffesor ni thei MLA atana thlan nachang an hria chu fakawm a tih thu sawiin, hei hian an bial chhungah hmasawnna hna thawh kawngah chak zawkin hma a sawn tir ngei a beisei tih a sawi.
Aizawl South III bialtu MLA, Prof. F. Lalnunmawia pawhin, Sorkar tharin chak zawka hna a thawh a, Mizoramah rorelna \ha a awm zel theih nan leh tluang taka an kal theih nan mitinte \awng\aipui turin a ngen a, a bial mipuite chu Party-a an nihna dah\ha a, khawtlang leh ram tan thawhpuiah a sawm a ni. Prof. F. Lalnunmawia chuan, Sorkar programme SEDP chu a thlawna sem a ni ber lo tih sawiin, SEDP hmang hian hmasawnna tluantling a awm theih nan hmalak a ni dawn niin a sawi. Sorkar thar hnuaiah chuan Party Worker nih avanga hlawk bik tum ang chi hi chu an ti ve dawn lo va. Sorkar hmasain a lo thawh tawhte pawh chhunzawm tlak a awm a nih chuan chhunzawm zel a ni dawn a, zirna siam\hatna tura an Party Education Policy-in a sawi te pawh tihlawhtling turin ke an pen dawn tih a sawi.
