Prof. F. Lalnunmawia hian Hlimen a\anga Hlimen Vengthar thleng tuilak dan tur PHE Dept. hotute leh khawtlang hruaitu a enpui a, Tuizem dahna tura ruahman chu tlawhin Hlimen vengthar mipuiten PHE tui an dawn ve theih dan tur Dept. hotute leh Hlimen khawtlang hruaitute a sawipui nghal a, Hlimen bakah Samtlang, North Lungleng leh Lungleng mipui ten mumal zawka tui an dawn theih dan tur a en nghal bawk. Heng khaw hrang hrang a tlawhnaah hian khawtlang hruaituten an harsatna leh mamawh an thlente chu Bialtu MLA hian a ngaihthlak sak a, PHE hotuten heng khuate tana an hnathawh mek leh hmachhawpte an hrilhfiah a ni.
Prof. F. Lalnunmawia hian nimin vek khan PWD Aizawl Road South Division hotute chu Hlimen leh Samtlang inkar leh Samtlang leh Lungleng inkalpawhna kawngpui siam \hat dan tur a sawipui a. Hemi hnu hian Samtlang leh Hualngohmun inkar kawngpui PWD-in an siam mek chu a tlawh a, an lung hman a \hat leh \hat loh a enfiah bakah kawng laih sa siam\hat ngai lai leh kawng zim lai tih zauh dan turte PWD hotute nen an sawi ho a.
Hlimen veng chhung kawng siam mek a tlawh bawk.
