Upate chu mihring nuna tawnhriat hrang hrang nei tawh, kum naupang zawkte tan pawh inzirna tur in ni tih sawiin, an tu leh fate kaihruaia nun kawng dik an zawh theih nan mawhphurhna lian tak an nei a ni tih hre turin a chah a ni. Prof. F. Lalnunmawia chuan, MNF kaihhruai Sorkar thar chuan thang thar nunah zo nun zemawi chhawm nun a nih a, aia upa zahna chawi nun a nih leh theih nan te, \hangtharten tlawmngaihna rilru an put leh theih nan hma a la dawn tih a sawi a, upate hamatna dawn mek, Tar Pension an tih mai pawh ennawn a, a aia chhenfakawm anih theih nan sorkar-in ngaihtuahna an seng dawn niin a sawi bawk.
Aizawl South III Area MUP Conference hi Area President Rev. K. Darsailova’n a kaihruaia, an pawl hruaitu thar tur an thlang a, tlaiah ruai an kil ho bawk.
