Hemi puala inkhawm College venga Godfrey Tower-a neihah Pu R. Vanlalvena chuan nikum lam daih a\ang tawh khan Oxygen bur hi sem an lo tum tawh \hin thu te, thil \ul tih hmasak ngai a tam avangin tunah an tihhlawhtling thei ta chauh niin a sawi a. Oxygen bur chu mi pangngai tan thil hote angin lang mah se, damlo leh a mamawhtute tan thil \angkai tak niin a sawi a ni. Pu R. Vanlalvena chuan, Aizawl South I huam chhung mai ni lo, Aizawl chhuah lama Sikulpuikawn leh Armed veng inkarah pawl 12 Science zirna a awm loh avangin College venga Govt. Central HSS behchhanin pawl 12 Science zirna chu MLA Local Area Developemnt Fund sum hmanga hawn a nih thu a sawi a, a bul \annaah nikum khan zirlai 12 an pass vek a, kuminah zirlai 50 chuang awm tawhin, he zirna in hi an bial chhung mai ni lo, Mizoram hmun hrang hranga zirlaiten chhawr \angkai se an duh tih a sawi bawk. Inkhawm hi Central YMA CEC member, Pu Lalrinmawia Sohnel-in a kaihruai a, Aizawl South 1 huam chhunga YMA Branch 7- Upper Republic, Republic, Republic Vengthlang, Venghlui, College veng, Bethlehem veng leh BethlehemVengthlang Branch YMA te hnenah Oxygen bur hi 12 \heuh a hlan a ni.
