MLA hian PWD-in Upper Republic kawng peng \huam leh College veng panna black top an tih mek chu enin, Upper Republic a\anga Governor Gate panna kawng laih zauh dan tur leh kawng peng\huam laih zauh dan tur pawh a en a, Helai kawng peng\huamah hian awlsam zawka lirthei a kual theih nana kawngpui siam danglam dan tur chu PWD lamin project siam se, sorkar kum thara hman theih turin \ul leh mamawhte sorkar-a thlen dan tur PWD hotute a sawipui nghal a ni.
Pu C. Lalsawivunga hian Upper Republic-a Thanglaikawn Road a\anga Venghlun panna kawng siam\hat dan tur pawh a en a, helai kawng hi RCC a siam tura ruahman niin, karleh thawh\an a\anga hnathawh \an tum a ni. Pu C. Lalsawivunga chuan, a bial chhunga hmasawnna hnathawh mek leh la thawh zel turah MNF kaihhruai sorkar nen inpawh leh tha taka hna an thawh ho theih a beisei tih a sawi a ni. Vawiina Aizawl South I bialtu MLA, Pu C. Lalsawivunga’n a bial chhunga hmalakna hrang hrang a ennaah hian ZPM General Headquarters hruaitu engemawzat in an \awiawm a ni.
