Inkhawm kaihruaitu Aizawl Smart City Limited Chief Executive Officer Pu Lalrothanga chuan, Smart City chu a nih tur ang a nih theih nan Department hrang hrang te chu thawhhona \ha neih a pawimawh hle dawn tih a sawi a, dept hrang hrang aiawhte chu smart city project a hlawhtlin theih nana theihtawp chhuah turin a sawm a ni.
Dy Chief Executive Officer Pu RL Zidinga chuan kum 2015 June ni 25 khan Smart Cities Mission hi hawn a ni tih a sawi a, Sorkar laipuiin ram chhungah Smart city 100 siam a tum a, state hrang hrang te inelna neih a nih hnuah Aizawl khawpui chu Smart City tura thlan zingah a tel tih a sawi.
Smart City Mission chak zawka kalpui thei tur leh company anga hmala thei turin Aizawl Smart City Limited hi din a ni a, UD&PA Secretary kaihhruaiin Board of Directors din a ni a, Sorkar leh AMC in Share 50:50 an nei a ni. Tun dinhmunah cheng Vaibelchhe 60 dawn tawh a ni. He project hnuaiah hian Area Based Development (ABD) atan cheng vbc 910.37 leh Plan-City Development atan cheng vbc 1,142.64 ruahhman a ni a, Project Management Consultant atan thlan WAPCOS Pvt. Ltd chuan an hna an \an tawh a ni. Smart City chungchang sawihonaah hian Department hrang hrang aiawhte an tel a ni.
