Nizan dar 7 leh dar 8 inkar vel khan Aizawl-Sialsuk kawnga Damdiai bulah Scorpio motor pakhat chu kawng thlangah a tlan liam a, a khalhtu, Malsawmzela, kum 34 mi, Pu E. Thansanga (L) fapa chu damdawi in panpui a nih laiin a hliam tuar lovin a thi. Police hotute hnen a\anga thu dawn danin he motor-ah hian mi dang an chuang lo a, Damdiai khaw mite chuan motor chesual thawm ni thei awm, thil ri an hriat chu zawng zuiin an khaw bula bawlhhlawh paihna hmunah motor chesual a awm tih an hria a, Kulikawn Police-te an pun bakah Maubuang khaw YMA member-te nen an buaipui a, motor khalhtu hi an la chhuak a, a hliam tuar lova a boral hnuah Maubuang YMA Hall-ah zalhin, a \ul dan angin an buaipui a, vawiin chawhma lamah khan Aizawl Civil Hospital-ah endik a ni.
Champhai District-a Khawzawl khaw chhungah pawh vawiin dar 9 leh dar 10 inkar khan Wagon R a chesual a, motor neitu leh a khalhtu ni bawk, Lalthianghlima, 2nd IR Battalion Driver chu a hmunah a boral. Police hotute hnen a\anga thu dawn danin, he motor hi kawng thlang kawr feet 15 vela thukah a tla thla a, a khalhtu hi a hmunah a thi nghal a ni. A ruang hi Khawzawl damdawi ina endik a nih hnuah an awmna, Aizawl Nursery Vengah vui tura lak nghal a ni.
