Hemi puala inkhawm tawi neihah Pu Lalliansawta chuan ZPM chu ‘ I ram, i hnam, i sakhua humhim la, i ram tan hnathawk rawh’ tih thupui vuantute an ni tih sawiin, Mizoram chu ram tereuhte, a chhunga cheng pawh mi tlemte an ni chungin a \ul angin humhalh a ni tawk lova, hetiang zela a kal a nih chuan Mizo hnam chu a ral mai ang tih a hlauhawm avangin a humhalh tura \anlak nasat a \ul hle a, hemi kawngah hian ZPM chuan nasa taka \anlak a tum tih sawiin, Mizoram, hnam leh sakhua humhim a nih theih nan theihtawp an chhuah dawn tih a sawi a ni. Pu Lalliansawta chuan, kristian nihna a\angin BJP chu Political Party pakhat satliah anga en liam mai theih an ni ta lo tih sawiin, BJP chu din a nih dan leh ram an kaihhruai dan a\angin an laka rinna nghah ngam chi a ni lo tih a sawi a. Tunah hian BJP party hmangin Hindu sakhaw betuten ram an la duai duai a, hmarchhak bialah pawh kristian tamna Meghalaya leh Nagaland-ah thuk takin an inrawlh tawh a, Mizoramah pawh dinhmun sawhnghet turin beihpui an thlak mek avangin mipuite an fimkhur a \ul hle a ni a ti.
He biala ZPM candidate, Pu C. Lalhmingthanga pawhin thusawiin, Mizoramin a theih ang tawk tawka chanchin\ha rawng a bawl phawt chuan nasa zawkin malsawmna a dawng ang tih chu a rin dan a nih thu leh Pathian leh mipui zara thlantlin a nih chuan chanchin\ha hril tura Pathian kohna tihlawhtling tura \an lak a tum thu a sawi. Pu C. Lalhmingthanga chuan, tunah hian Mizoram mipuiten duhthlanna an hmang dawn a, hetah hian duhthlanna an hmansual chuan ram chhiat lehzualna a thlen palh theih avangin fimkhur taka ngaihtuahna sen a ngai a ni a ti. He inkhawm hi Chanmari MPF Local Forum Vice Chairman, Upa Vanlalvuana Sailovin a kaihruai a, ZPM General Secretary, Pu James C. Lalnuntluanga pawhin thu a sawi a ni.
