He thu hi Congress leh ZPM-in an thlawp Independent Candidate, Pu Lalnghinglova Hmar tana vawiina Lunglei khawpui chhunga Street Campaign buatsaih a hmanpuinaah sawiin, inthlan an hmachhawn tura tuna mipuite bakah an thlah leh an thu leh fate tan \an an lak ngaih hun a nih avangin mi tinin ngai pawimawh se a duh thu a sawi. Dr. Vanlalthlana chuan, tunhmaa inthlan dang an hmachhawnah chuan party candidate-te an tlin theih nan vote an thlak \hin tih sawiin, tunah erawh Ram, Hnam leh Sakhaw him theih nan vote thlak a ngai a ni, a ti a. Mipuite chu Vote an thlak khan anmahni leh an chhungte damna turin theih tawp an chhuah tih hre tura chahin, ram tana \ha lo chu hnawl ngam turin a chah a ni.
Hindu firfiak pawh RSS chuan naute an nei a, chu chu BJP a ni tih sawiin, Dr. Vanlalthlana chuan, BJP hian NDA-ah thawhpui an nei \euh a, chung zingah chuan MNF an tel a. MNF chuan Citizenship Amendment Bill chu an dodal thu sawi ve reng mah se, he Bill tihpuitlin duhtute an lal theih nana theihtawp chhuahtu an nih avangin hnawl ngam an \ul a ni, a ti a. Ram leh hnam himna atan Independent Candidate, Pu Lalnghinglova Hmar vote vek turin mipuite a sawm bawk.
