Heng bungruate hi Rural Housing Scheme a\anga dawn rangva leh Education Dept. atanga dawn Green Board 10 leh water filter a ni a, MLA fund hmanga lei Computer printer 5 chu sorkar sikul hnenah a pe a, Govt. Aizawl North College hnenah Book Grant Rs. 50,000 a pein, rangva hi mi 15 hnenah a sem a ni. Hemi puala inkhawm Ramhlun North Whitestone Conference Hall-a neihah hian Dr. Mathlana chuan, Rural Development Minister leh Education Minister hmalaknaa a bial chhunga rangva, green board leh water filter sem a ni chu lawmawm a tih thu leh a dawngtute pawhin \angkai taka an hman ngei a duhsak thu a sawi a. Amah pawh College zirtirtu a nih angin zirna a ngaihpawimawh thu leh Aizawl North II huam chhunga sorkar sikula zirna chawisan nan theihtawp chhuah a tum thu a sawi.
He inkhawma tel Aizawl North II huam chhunga zirtirtute chuan awmze nei zawka zirna kawnga hma an sawn theih nan Primary School, Middle School, High School leh Higher Secondary School zirtute chu bialtu MLA hova inhmuhkhawm an rel a ni.
