Helai hmuna Sumdawng Pawl hruaitute leh Department hotute nen an inkhawmnaah Dr. R.Lalthangliana chuan, Bazarpui Building \hiha a nih dawn avanga chhungkaw sangtel teh meuh sumdawnna a khaihlak tur chu thil hriat hrehawm tak a nih rualin he Building hi sak \hat a nih loh chuan chhiatna lian zawk, nunna tam tak hloh theihna a nih avangin sumdawngte pawl hrang hrang hruaitute chu sorkar hmalakna hrethiam turin a ngen a.
Sumdawng pawlten Bazar thar sak zawh a nih hnua Seat an chauh loh mai an hlauhtawn thu an hrilh chu lo lungngai lo tura hrilhin, Bazar building hluia seat nei zingah an mahni duh thua an sumdawnna tihtawp duh an awm a nih loh chuan tuna seat nei sate chu duhsak ah nih tur thu a hrilh a ni.
Commerce & Industries Deparment leh PWD hotute report a\anga a lan danin, Bazar building lian ber hi kum 1987-a Roorke College of Engineering-in Drawing leh Design an siam anga sak a ni a. A sak nan hian Cement leh Balu \ha chi hman ni se chuan la hlauhawm lo tura ngaih a ni a. Mah se, tunah hian a chhuat pawp lian tak tak hmun engemawzatah a awm tawh a, a ban leh a beam tuamtu Concrete hmun tam takah a tla filh tawh a, kum 2015 June ni 8 khan Aizawl District Disaster Management Authority-in an zirchianna behchhanin he building hi Building him lo, luahtlak tawh lova puan a lo ni tawh a ni. He Report tlawhchhan hian kum 2015 leh 2017-ah te Bazar building hluia sumdawngte chu chhuak tura tih an lo ni tawh a. Nimin khan sorkar chuan chhuak tura hriattirna hi a tichhuak leh a, hetah hian sumdawngte chu tun thla ni 21 a\anga chhiara thla khat ral hmaa insawnchhuak tura tih an ni. Tukina Commerce and Industries Minister-in Bazar Building a tlawhnaah hian Bialtu MLA, Tourism Minister, Pu Romawia Royte, Aizawl North III bialtu MLA, Pu C. Lalmuanpuia, Aizawl South I bialtu MLA, Pu C. Lalsawivunga leh Aizawl West III bialtu MLA, Pu VL Zaithanzama bakah Chief Secretary, Pu Lalnunmawia Chuaungo leh sawrkar mi pawimawh dangten an \awiawm a ni.
