Councillor te hi pawl 2 ah in\henin Chawnpui a Bethel Camping Center-ah Dy Mayor Pu Lalringliana hovin \anpuina an hlan a, AMC hotute hi Bethel Camping Center hotuten lo dawngsawng a ni. Hemi puala inkhawm tawi neih hi Councillor Pu R Thanglura’n a kaihruai a, Dy Mayor Pu Lalringliana’n tanpuina cheng nuai 1 Centre hotupa Pu Zohmingthanga hnenah a hlan a ni. Inkhawm kaihruaitu Pu R Thanglura chuan, AMC Councillor te kumtin Krismas dawnah \anpui ngaite tan an luanchhuah \hin thu a sawi a, kuminah pawh an tih theih beitham hle mah se an theih ang angin an luang chhuak a ni a ni a ti.
Center Hotupa Zohmingthanga pawhin thusawiin AMC in Krismas dawna \anpuina an hlan zingah an tel ve ziah chu lawmawm a tih thu a sawi a, tanpuina an dawn te chu \angkai taka an lo hman thin thu sawiin an Center inenkawlna chu tanpuina an dawn khawm a nih thu sawiin a hmanna lamah pawh fimkhur taka an hman thin thu a sawi bawk. Tun dinhmunah Bethel Camping Center-ah hian mi 900 vel an awm a ni.
Hemi hnu hian Luangmuala Gansabra pawh tlawh nghalin Home mother Pi Lucy Maruati leh a thawhpui ten an lo dawngsawng a, hemi puala inkhawm tawi neih hi Councillor Pu H Zonunsanga’n a kaihruai a, Home Mother Pi Lucy Maruati hnenah tanpuina cheng sing 5 an hlan a ni. Pi Lucy Maruati chuan, AMC in an home an hre reng thin chu lawmawm a tih thu a sawi a, tun dinhmunah naupang 33 an enkawl mek thu leh, an home a awm chiah lo, pawn lama enkawl ngai te pawh an enkawl mek thu a sawi.
Heng bakah hian Mayor Pu PC Lalhmingthanga hovin Zuangtuia TNT leh Zemabawka Cancer enkawlna hmunah cheng nuai 1 ve ve an hlan bawk a ni.
