Vawiina Aizawla thuthar thehdarhtute a kawmnaah Mayor Pu PC Lalhmingthanga chuan, bawlhlawh paih dan thar an siam chu vawi leh khataah veng zawng zawngah kalpui nghal a harsat an rin avangin veng thlanchhuah bikah hman phawt a nih thu a sawi a, hemirual hian veng dangah pawh bawlhlawh te chu lo thliarhran kalpui tho tura tih an ni a ti a, tunah hian veng zawng zawng chu bawlhlawh \awihthei leh \awihthei lo thliar hrang vek tawh turin ruahmanna an siam tawh tih a sawi a, a paih hun tur pawh Local Council te nen ruahman a ni tih a sawi.
Pu Hmingtea chuan, Tuiriala Bawlhlawh sawngbawlna hmun tharah chauh bawlhlawh te hi paih tawh tur a ni dawn tih sawi a, hetah hian bawlhhlawh \awihthei leh \awihthei lo te thliar hrang \ha lo te chuan an paih theih tawh dawn loh avangin a phurtute pawh an fimkhur a ngai tih a sawi a, a paihna hmun turah hian uluk taka thliar hran hna kalpui a nih tawh avangin a hmaa an ngaihzam ang khan a theih tawh dawn loh a, chhungtinte pawhin an bawlhlawh te \ha taka an thliar hran a \ul dawn tih a sawi.
Pu Hmingtea chuan, kartin Thawhlehniah plastic lam chi te chu a hranga funin paih tel theih a ni dawn tih a sawi a, thlathar Thawlehni hmasa ber chu electronic waste paih tel theih ni atan ruahman a nih thu a sawi a, plastic micron 50 tling lo an khap hnuin a ruka zuar an la awm reng tih a sawi a, dan zawm lo an awm em tih \um 74 an dapchhuak tawh tih a sawi a, plastic khap chu mipuite hriselna atan \ha a nih avangin mipuite pawh thawp turin a sawm a ni.
