Thuhmahruai sawitu Mayor Pu PC Lalhmingthanga chuan AMC leh Local Council te thuneihna tih chak zel tum a ni tih a sawi a, Local Council member te chu an mawhphurhna zir chiang \hin tura chahin an huam chhung \heuhah theihtawp chhuaha hma la turin a chah bawk.
Dy. Mayor Pu Lalringliana pawhin thu sawiin bawlhhlawh paih dan thar hmangin Local Council tinin bawlhhlawh an paih dan tur ruahman mek a nih thu a sawi a, bawlhhlawh thliar fel a \ul thu te, PPP Mode hmanga bawlhhlawh paih chu \ha bera a hriat thu te sawiin hun rei lo teah bawlhhlawh te chu mumal taka thliar hranga paih a ni tawh dawn niin a sawi.
AMC hmalakna-a, Plastic lam chi khap tum mek a nih thu te, Aizawl khawpui chhunga Street Light enkawl dan tura hmachhawp te an sawiho a, HIV/AIDS chungchangah MSACS Project Director Dr Lalmalsawmi’n thu a sawi bawk.
