Zirchiannaah hian leimin thlen mai theihna tur hmun te leh awihpang ngheh dan te pawh tarlan tel a ni a, AMC Ward 19 leh a chhevel, km 175 biala zauah hmun 4124 te zirchian a ni a, Satellite Data, Collateral Data leh tehna chi hrang hrang 15 hmanga Geology & Mineral Resources Department mithiam ten kum 2014 atanga an zirchianna a ni a, a senso Rs nuai 230 a\anga zaa 90 chu North Eastern Council tum a ni a, Mizoram Sawrkarin zaa 10 a tum a ni.
A tlangzarhna inkhawm Geology & Mineral Resources Office, Aizawl Luangmuala neihah Dr R. Lalthangliana chuan zirchianna chu sorkar Department zinga ‘works department’ ho, Land Revenue & Settlement, PWD, PHE, P&E, UD&PA leh a dangte bakah AMC in an hmalakna tur hmun zirchian hmasak nan \angkai takin an hmang thei dawn tih a sawi a, zirchianna chu Aizawl khawpui chhung leh a chhehvela chengte himna tura lehkha pawimawh tak a ni a ti.
Tlangzarh inkhawmah hian Aizawl Mayor Pu PC Lalhmingthanga leh Industrial development board vice chairman Pu C. Ramhluna te pawh an tel a ni.
