He thu hi nimin a Aizawl Press Club a thutharthehdarhtute a kawmnaah asawiin Dr H Lalthlangliana chuan, plastic leh polythene a\anga thil siamte hian khawsak a tihawlsam mah se, a \awih ve mai theih loh avangin harsatna a thlen niin a sawi a, hemi avang hian Mizoram chhung leh pawnah plastic leh polythene hmang tlem tura inzirtirna neih chho mek niin a sawi a, Dr. H. Lalthlangliana chuan, Supreme Court leh National Green Tribunal-in state sorkar leh khawpui chhunga tualchhung roreltute hnenah polythene bag hman khap turin vawi tam tak hriattirna a pe tawh niin a sawi a, hemi avang hian AMC pawhin polythene bag hman a la khap ngei dawn niin a sawi a ni.
Dr. H. Lalthlangliana chuan kum 2017 khan Science Teacher Association of Mizoram (STAM)-a mithiamte ruaiin, polythene leh plastic a\anga siam chhuahte zirchianna a\angin nitin polythene bag hman zat chu quintal 5 vel a tling a, vawi leh khata polythene hman khap thut a nih chuan mipui tan harsatna a thlen dawn a, chuvangin zawi zawia hmang tlem tura hmalak nise, he hmalakna hi naktuk leh naktipah Assembly Annexe Building-ah ‘No Plastic Exhibition, 2018’ buatsaih tum niin a sawi bawk.
AMC Commissioner chuan he exhibition-ah hian stall 21 a awm ang a, 17-ah chuan mipui hnena thil hralh chhuah theih ni nghal, thil siam chhuah thar te entir a ni dawn niin a sawi a ni. Dr. H. Lalthlangliana chuan, No Plastic Exhibition, 2018-in a tum ber chu plastic leh polythene hman \hin thlakna tur a awm em tih niin a sawi a, hetiang lam siam chhuaktute cho phûr a, Aizawl khawpui hman khawp siam chhuah theih a ni dawn em tih enchhinna tur a nih thu te, polythene hman khap a nih pawha harsa lutuk lova thildang hmang thei tura mipui rilru buatsaih hmasak leh a thlakna tur lo buatsaih lâwk chu an tum lian ber niin a sawi, exhibition chhung hian polythene leh plastic lam thil reng reng ken luh leh hman phal a nih dawn lo niin a sawi bawk.
