A hlanna inkhawm tawi Aizawl SP Conference hall-a buatsaih-ah Pi B. Lalawmpuii’n Aizawl Traffic Police SP Pu Rodingliana Chawngthu leh MJA Vice President Pu Lalremsiama te hnenah an thil pek te hi a hlan a ni.
Councillor Pu R. Thanglura chuan Traffic Police te leh MJA te chu an hna avanga loh theih loha nitina chhuah ngai, a hmatawnga awm an nih avangin hri leng laka an him theih nan invenna hi an pe tih a sawi.
Traffic SP Pu Rodingliana Chawngthu chuan mipui kharkhipna puan nawn leh a nih hnuah sorkar pisa hawn a nih avangin lirthei veivak an tam tih a sawi a, mi \henkhat phalna pawh nei lova tlan chhuak man an awm nual tih a sawi a, Thawhlehni khan mi 40, Nilaini-ah mi 100 vel, Ningani-ah mi 186 leh nimin khan mi 209 an man tih a sawi a. Kar leh a\ang chuan sorkar hnathawk pawh nise, ID emaw, pisa kai tura detailment order emaw nei lo te chu an man zel dawn tih a sawi.
MJA Vice President Pu Lalremsiama pawhin MJA chhianchhiahna, sticker ni lo, a ang ve tak siam chawp, lirtheia bela tlan chhuak thin an awm nia an hriat thu a sawi a, hetiang mite hi manchhuah zel tha a tih thu a sawi.
