MNF Party Office Hnam Runah thu sawiin Pu PC Lalhmingthanga chuan Property Tax an lakkhawm atanga zaa 80 chu mipuite tan an hmang zel tih a sawi a, Councillor tinte chu an Ward huam chhung \heuha hnathawh tur te Ward committee kaltlanga thehlut tura tih an ni a, hemi hmang hian hna thawh zel a ni a ti a, Councillor thlei bik an awm lo niin a sawi a, an hnathawhte chu a endiktu Auditor te pawhin \ha an ti niin a sawi.
Mayor chuan AMC chu amaha inrelbawlna hrang nei a nih angin rorel theiin Sorkarin dah se a duh tih a sawi a. AMC sorkarin a enkawl dan chu UT hun laia Lt. Governor in sorkar a enkawl dan nen thil thuhmuna ngaih theih niin a sawi a, hna lak thlengin harsatna an tawhphah nia sawiin AMC dan chu ennawn vat a ngai a ni a ti.
