Aizawl khawpuiah chuan Krismas urlawk zan zanlai pelh hnu khan College Venga Pu Lalthianghlima te chhungkaw chenna in, Assam Type chhawng hnih bungraw engmah chuh hman lovin a kangral vek a, Pu Lalthianghlima in chhawng hnuai zawkah hian zirlai pakhat leh midang pakhat an cheng a, heng mite hi Krismas hmanga an khaw lama an haw lai a nih avangin an bungrua zawng zawng a kangral vek a ni.

College Veng YMA leh VC te bul tumin Pu Lalthianghlima te chhungkaw chenna tur in hi Assam Type feet 24-a sei, feet 15-a zauvin vawiin a\ang khan hnatlangin sak \an a ni a, an veng YMA hruaitute hnen a\anga thudawn danin vawiina mi 200 rual vel hnatlang hian a ban phun kimin a liang an chhuang hman a, naktuka hna chhunzawm leh a nih hun chuan a chhuat phaha, in chhun tun hmana, a chung chih tum a ni ang. Pu Lalthianghlima te chhungkaw chenna in tur sak nan hian veng chhunga mi inphalte sum thawhkhawm, veng \henawmte \anpuina, Kohhran, YMA leh mimal \anpuina pek te bakah bialtu MLA Pu C. Lalsawivunga, RD Minister, Pu Lalruatkima leh Aizawl Bawrhsap ten \anpuina an pe a, \anpuina tlingkhawm hi cheng nuai 3 sing 4 chuang a tling tawh a ni.