Aizawl khawpuia lirthei nei zawng zawngte chu thla leh, November ni 30 ral hmaa motor dahna, garage nei vek tura hriattir nawn leh an ni. Traffic Management Coordination Committee hotute chuan, tunah hian garage nei lote tan garage sakna hun ni 42 chauh a awm tawh tih an sawi a, motor nei, garage nei lote tan hian Committee chuan nikum October ni 1 a\anga kumin November ni 30 thleng, ni 420 chhung hun a pe a, Traffic Management Coordination Committee hnuaia Working Group hotute leh Aizawl Municipal Corporation hotute chuan hei hi an bawhzui zel a, an ngenna angin Aizawl khawpui chhung veng hrang hranga Local Council hotute chuan an veng chhung \heuhah lirthei chi hrang hrang neitute leh garage nei leh nei lote an enfiah dawn a, an thil hmuh dan a zirin garage nei lote chungchang chu ngaihtuah zui a ni ang a, garage nei lote chu hrem an ni dawn a ni.
