Veng hrang hrangin an huam chhung hmun remchang lai leh kawn remchang lai an cheiah hian entirna nei \ha tak tak te leh naupang leh \halai lawm zawng chi hrang hrang te hmuh tur a awm a, mipuiten boruak nuam tak hnuaia an tlawh theihna turin YMA te an duty tlangpui a, lirthei kaldan te pawh felfai takin an lo ruahman a ni. Hmun \henkhatah chuan Kawnchei tlawh tura kal mipui an tam avangin zan rei tawh lamah pawh traffic a jam phah a, kumthar lawmna ruai \heh zan phei chuan kawn hrang hrang tlawhtu hi an tam zual tih heng veng hrang hrang duty te hian an sawi. Kawnchei tlawhtu \henkhat chuan Aizawlah intihlimna leh chhungkuaa kalna hmun nuam a awm meuh loh avangin Krismas leh kumthar lawmna atana kawn chei a ni chu \ha an tih thu an sawi a, tihzel tlak nia an ngaih thu ZONET an hrilh a. Krismas leh kumthar vuakvet chhung hian khawpui chhung kawng sirah thil zuar ni dang aiin hmuh tur an tam a, zan rei tak thlengin an mahni dawrtu te pawh an tam hle a, hetihlai hian dan leh thupek kengkawhtu Police leh traffice Police duty hmuh tur an awm bawk a, boruak a muanawmin mipui harsatna thlen zawnga khawsa hmuh tur an awm lo a ni.
