ZONET zawhna chhangin PHE Superintending Engineer Pu Lalropuia chuan, kumtin ruahtui tlak tirh lamah tui nu vanga harsatna hi tawk \hin mahse kuminah hian an harsatna tawh a nasa zual a, Tlawng panna kawngpui bula leivung paih an awm \hin avangin Tlawng lui fintu Serlui nasa takin a ti nu \hin a, lui dang, Tlawng fintu ten bawlhlawh chi hrang hrang a len tel \hin bawk avangin kuminah hian hasatna an la tawk nasa hle tih a sawi a. Tui nut dan tehna NTU ah mihring tana him chu chu 7 anih laiin Tlawng tui nut zawng hi 1005 lai te a thlen chang a awm tih a sawi.
Kumin May thlaa Cyclone Foni vanga Mizorama ruah sur khan Tlawnglui hi nasa takin a lo ti nu tawh a, Reiek kaia Pump house-a tui thlifimna khawlin a thlitfim zawh loh avangin ni 2 chhung tui pump theih a ni lo a, hei hian Aizawl khawpui chhunga tui sem pawh hapta 2 vel a tikhaihlak a, tuinu vanga harsatna an tawh ziaawm chho \an mahse, ruah a sur apiangin leivung paih vanga tui a nut leh \hin avangin tui in tur thlitfim kawngah harsatna tawk thei dinhmunah an la ding reng tih Pu Lalropuia hian a sawi.
PHE Dept hian Aizawl khawpuiah tui connection 53,324 a pe chhuak tawh a, Public point ring veng 5 an awm mek bawk a ni.
