Joint Verification team te hian leivung leh bawhawlh paihna hmun kua an enfiah a, Mission Vengthlang atanga Tlawng Lui pan thlakna kawngpui kam, Maubawk ramchhunga awm, AMC-in bawlhhlawh leh leivung paihna hmun tura phalna a pek an enfiahnaah, leivung leh bawlhawlh paih a tam tawh avangin a hmunin a dawl zo tawh lo a, hei hian Aizawl khawpui tui tlan ber Serlui leh Tlawng Luite a tihbawlhlawh thin avangin AMC in phalna a pek chu tihtawp nghal a ni.
Joint Verification team te hian Tlawnglui panna kawngkamah hian mihring ek leh ran thi te paih a ni thin tih an hmu bawk a, dan kalha leivung leh bawlhlawh dangte paih a nih lohna turin Nursery Veng ramri leh Lawipu Veng kawnah te Local Council hruaitute nen tangrualin vengtu dah nise an ti a ni.
Joint Verification team te hian World Bank Road a AMC in bawlhlawh leh leivung paihna permit a pek te pawh enfiah nghalin leivung leh bawlhlawh paih a nih zel chuan Chite lui a tibaawlhlawh thuai dawn niin an hria a, World Bank Road kawngkamah bawlhhlawh leh leivung paih phalna pek tawh loh an rawt a ni.
