Aizawl City ZPM Block hruaitute hi vawiin khan Aizawl Treasury Square-a MZP Conference Hall-ah an \hukhawm a, ZPM Political Affairs Committee-in VC leh LC inthlanna neih tura Party mala ding tura rawtna a siam chu ngun tak an ngaihtuah hnuah \ha an tih thu sawiin, lungrual takin an thlawp a. Kalphung thar, mipui sorkar, kohhran mite telna tlak siam turin an huam chhung khua leh veng \heuhah hma an la zel dawn tih an sawi.
He intawhkhawmna ZPM Vice President, Pu Lalthansanga kaihhruaiah hian, an Party President, Pu Lalliansawta chuan, Politics hmanga ram siam\hatna turah Pathian thu a\anga hmalak a nih loh chuan hlawhtlin a harsat a rin thu a sawi a. Zoram mipui tam zawkin Politics an hmuh dan chu a he laklawh a, Politics chu thil dik lo leh sualna hmanrua anga ngai an awm avangin hei hi a dik lo tih lantir turin Pathian duh dana kal a, dikna lantir a \ul a ni, a ti.
Pu Liansawta chuan, MLA 7 an neihte a\angin kalphung thar chu a lang \an nia a hriat thu a sawi a, MLA Fund an hman a\anga danglamna hmuh tur a awm chu thil lawmawm tak a ni a ti a, Local Council leh Village Council inthlanah hnehna an chang a nih chuan kalphung thar chu zau zawka an kalpui theih dawn avangin tlang hrang hranga an Party mite chu an theihna zawn \heuha \anla turin a sawm a ni.
He intawhkhawmnaah hian ZPM Secretary General, Pu K. Sapdanga Paper buatsaih an zir hova, General Secretary Pu B. Lalchhanzova kaihhruaiin an sawi ho zui nghal a. ZPM-in a thlawp Legislature Party Leader, Pu Lalduhoma, MLA pawhin thu a sawi bawk.
