PWD hnuaia Aizawl Road South Division leh Aizawl Road North Division-in tun hnai a\ang khan Aizawl khawpui chhung kawng hrang hrang ngawrh takin an siam \ha. Aizawl Road South Division chuan khawpui chhung kawng an siam rual hian Hualngohmun leh Samtlang inkar kawng thar, km 4.85-a thui an lai mek a, vawiin thleng khan km 2 chuang an lai tawh a, kawng laitu, Mizo Contractor-te hian Hualngohmun lam leh Samtlang lam a\angin an lai \an a, he kawng siam nan hian NABARD sum, cheng vbc 17 leh nuai 40 ruahman a ni. Aizawl Road North Division chuan Maubawk-Lawipu kawng siam \hat te, Kulikawn leh Hridaikawn inkar kawng te, Raj Bhavan chhim Gate bul a\anga Sikulpuikawna chhuak, Tuikhuahtlang kawng siam \hat te, Bungkawna Johnson College panna kawng siam \hat te an thawk mek a, kar lehah chuan Khatla kawn a\anga Nursery Veng leh Bungkawn kal tlanga Khatla kawna chhuak kawng siam \hat an tum a ni. Aizawl Road North Division hian Dawrpui pheia kawng \ha laia tui luh lohna tur leh hun rei zawk hman theiha a awm reng theihna turin nimin a\ang khan Bungkawn a\angin seal coating an ti \an a, he hna hi vawiin khan chawlhsanin, naktuk, Pathianniah an chhunzawm ang a, Millennium Centre a\anga Zarkawt Traffic Point thleng zawh hman an tum a ni. Sihpui a\anga |huampui panna kawng chhuatah lung phah leh alkatra luan \an a ni bawk a, hemi rual hian he kawng sira tui hawk luankawr leh culvert pawh an siam bawk. He hna hi NEDP sum hmanga thawh a ni.
