Lungleiah chuan MZP Sub Hqrs. hruaitute huaihawtin Chanmari-a Govt. High School kawt a\anga Venglaia Mizofed Office kawt thleng zirlai \hahnem tak leh tlawmngai pawl hrang hrang member ten kawng an zawh a, kawng zawh \an hma hian Lunglei MZP Secretary, Lalpeksanga Chenkualin thu a sawi a, Venglaia Mizofed kawtah NGO Coordination Committee Chairman, Pu Lalrotluanga, Sub Hqrs. YMA President ni bawk leh Lunglei MZP President, Pu Lalrammuanawma te chuan thu sawiin Citizenship Amendment Bill, 2016 hi Rajya Sabha-a pass a niha hman a nih chuan Mizote leh hmarchhak bial mipuite dinhmun a chhe hle dawn tih tarlangin khauh taka do \ul an tih thu an sawi a ni.
Kolasib-ah pawh MZP huaihawtin kawng zawh a ni a, kawng zawhtute hian hmar lampangah Bangla Kawna intawkkhawmin heta \ang hian Diakkawn panin kawng an zawh a, chhim lampang a\anga kawng zawhtute chuan Vengthara Tourist Lodge a\anga zawh \anin Diakkawn an pan a, Diakkawna inkhawmah NGO Coordination Committee Chairman, Pu C. Liankunga, Sub Hqrs. YMA President ni bawk, MZP President, Zosangliana Rokhum leh MUP President ten thu an sawi a, CAB 2016 sorkar laipuiin pass a tum chu Mizote tan a \hat loh zia an tarlang a ni.
Mamitah pawh MZP huaihawtin Charkawn a\anga Field Veng thleng zirlai \hahnem takin kawng an zawh a, Charkawna inkhawmah MHIP Sub Hqrs. President, Pi LR Zampuii leh MNF Center Block President, Pu H. Lalthlengliana ten thu an sawi a, Field venga inkhawmah Sub Hqrs. Secretary, Pu Vanlalchhuanga Chhangte leh Congress Center Block President, Pu PC Lalthanzuala te, MZP Adviser, Pu Zatluanga Sailoten thu an sawi a ni.
Serchhipah chuan AOC Veng kawn a\anga \anin Bazar thleng zirlai leh anmahni thlawptu mi \hahnem takin kawng an zawh a, Bazara inkhawmah MZP Adviser leh NGO Coordination Committee hruaituten thu an sawi a ni.
Champhaiah chuan Vengsang Biak In tual a\anga DK Traffic Point thleng zirlaite leh mi \hahnem takin kawng an zawh a, an zingah hian Champhaia cham mek, Rural Development Minister Pu Lalruatkima pawh a tel a ni.
Lawngtlaiah chuan Lai Students Association Gen.Hqrs hruaitute huaihawtin Chandmary Square a\anga Bazara Areopagy thleng mi \hahnem takin kawng an zawh a, kawng zawh \an hmaa Chanmari-a inkhawmah LSA Adviser, Himnakulhpuia he bill hi pass a nih chuan Mizoten an tuar theih dan tur a sawifiah a, hemi hnu hian Citizenship Amendment Bill, 2016 an duh loh thu leh hmarchhak bialin ramdang mi a mamawh loh thu auchhuahpuiin kawng an zawh a ni.
Khaw dangah te pawh kawngzawh a ni a, chung zingah chuan Biate leh Sangau te pawh an tel a ni.
Mizo hnam chhan kawngzawh hi MZP Sub-Headquarters Thenzawl pawhin huaihawtin, zirlai leh zirtirtu thahnem tak an tel a. Thenzawl Field Veng, Vengthlang leh Bazar Veng kawnah te ruat bik ten thu an sawi a, MZP Sub-Hqrs. president Tv. R. Lalramliana, Adviser Pu Liantluanga Renthlei leh Secretary Tv. Joseph Lalhriatdika ten thu an sawi a. Prime Minister leh Union Home Minister lim an hal bawk.
