Aizawl khawpui a\anga Assam Rifles sawn chhuak tura hmalak mekah Assam Rifles lamin phut a ngah telh telh avangin chak taka hmalak theih a ni lo tih Home Minister, Pu R. Lalzirliana’n House a hrilh. MNF member, Pu Lalrinawma zawhna leh zawhbelhna dangte a chhannah Home Minister chuan, Aizawl khawpui a\anga Zokhawsanga Assam Rifles sawn chhuah chu Sorkar laipuia Home Affairs Ministry lam thuneihna a nih thu leh hei hi Mizo zawng zawng duh dan a nih angin sawn chhuah an nih ngei theih nan Sorkar pawhin theihtawp a chhuah tih a sawi. Pu R. Lalzirliana chuan, Zokhawsanga Assam Rifles-te an insawn theih nan Mizoram Sorkar nen inremna an siam phawt a ngaih thu leh Sorkar beisei danah chuan Assam Rifles lam hian Aizawl khawpui chhunga an hmun hma zawng zawng an chhuah san vek tura ngaih a ni a, tun hnaiah an ram hauh chin an tih tam telh telh avangin Revenue Department nen pawh an inrem thei rih lo tih a sawi a ni. Sipai hotute sawi danin, tun thlenga Zokhawsanga an la insawn loh chhan chu Mizoram Sorkar-in eng leh tui a pek theih loh vang a nih thu MNF member, Pu Lalruatkima’n a sawi chu a hriat dan nen a inang lo tih sawiin Home Minister chuan, Zokhawsanga sipai hmun turah hian kum 2015 khan eng pekluh a nih tawh thu leh tunah hian PHE leh PWD lamin cheng nuai 50 vel ve ve an mamawh belh avangin tui hna an la thawh zawh mai theih rih loh thu a sawi a ni.
Revenue Minister, Pu R. Romawia pawhin, Aizawl khawpui a\anga Assam Rifles sawn chhuah chungchangah hian an department pawhin Committee a din thu ;leh \um 2 \um 3 vel an \hutkhawm tawh thu a sawi a. Assam Rifles lam hian chhuanlam tur an zawn kual deuh reng avangin thu mumal tak neih a har rih deuh chungin, Zokhawsang lama an insawn chhuah ngei theih nan theihtawp chhuaha hmalak a ni tih a sawi ve bawk.
