Khatla veng hian thlan chhawng hi an veng thlanmualah vawiin khan an siam tan a, ruahman dan chuan thlan chhawng hi Cement concret-in, thlan kaw hrang hrang dah theihna turin an dawh dawn a, Chutah chuan mitthi kuang rawlh lutin an inphum \hin dawn a ni. Vawiin a he hnathawh bul tannah hian an veng pa Mamit bialtu MLA ni bawk Pu H Lalzirliana leh Ward Councillor Pu Lalhmingmawia ten hnathawh bul \an nan lei hi khawl hmangin an lai hmasa a, hemi hnu hian hnatlangin mipui ten an chhunzawm a ni.
Khatla Local Council Chairman Pu Ramliana Ralte chuan, thlan chhawng an siam tur chu chhawng 3 a sang turin an ruahman tih a sawi a, a sei zawng hi 70 leh 21 a lian a ni dawn a, mi 252 leng tura siam a ni dawn tih a sawi a, thlan chhawng an siam turah hian an veng chhunga mithiam te nen hma an la tih sawiin veng mipuite pawh an phur hle tih a sawi a, hemi atan hian veng chhung mipui ten sum an thawhkhawm a ni a ti. Pu Rama chuan thlan chhawng an siam chhan chu thlanmual an hman mek chu kum 2 khatah a khah mai dawn avangin Local Council leh YMA ten Joint Meeting neiin veng chhung mipuite rawn chungin hethil hi kalpui an ni a ti a, hei hian kum tam zawk thlanmual an hman theih phah dawn a ni a ti.
Thlan chhawng siam nan hian Mamit bialtu MLA Pu H Lalzirliana, cheng sang 3, ward councillor Pu Lalhmingmawia’n cheng sing 1 leh mi inphal ten sum \hahnem tak an thawh nghal a ni.
