Aizawl Judicial District District Magistrate, Superintendent of Police leh Chief Judicial Magistrate te chuan nimin khan Aizawl District & Sessions Judge Office-ah an harsatna tawhte sutkian dan tur chungchang an sawi ho.

Aizawl Judicial District-ah hian Aizawl bakah Champhai, Kolasib, Mamit leh Serchhip-te an tela, meeting hi Additional District & Sessions Judge Pu Liansangzuala’n a kaihruaia, hetah hian an bial chhunga harsatna an neih te sutkian dan tur an rel a.
Private Security agency ten manual felfai tak neih an mamawh thu te, jail tang te dinhmun en \hat a tul thu te leh ruihhlo – drugs man te environment ti chhe lo zawnga tihchhiat dan turte an sawiho a ni.