Hetilai lei che \hin vena tur hian \huang thuma hnathawh a ni a, NH 54 chung lam zawng chu Disaster Management and Rehabilitation department hmalakna-in Pile foundation leh SDA sak te, tui paihna siam leh lugnrem, retaining wall leh shaft well siam hna te thawh a ni a, hemi atan hian National Disaster Management Authority a\anga sum hmuh hman a ni.
Kawngthlang lam chu PWD in Mizoram sorkar sum hmangin an thawk thung a, a do nghehna tur lungrem counterfort retaining wall an siam mek a, hei bakah hian Vaivakawn kawr leh Biak In bula kawrah te tui chhe paihna tur link drain siam tura ruahman a ni.
Chief Minister chuan, lei tlak hniam \hinna dawl turin kawng thlang Lui-kawr bul atanga dawm chhoh tum a nih thu a sawi a, fur ruahtui tlak hma ngeia hmalak tum a nih thu sawiin he kawngpui hi Mizoram chak phurh luhna pawimawh tak a nih avangin siam \hat thuai a \ul a, sum awmsa chu a beitham deuh avangin sorkar laipuiah dil belh mek a ni a ti a, fur ruahtui tlak hmaa siam anih theih nan state sum awm ang ang te pawh hman a ngai dawn a ni a ti.
Chief Minister hi bialtu MLA Pu C Lalmuanpuia, PWD, DM&R hotute leh khawtlang hruaituten an \awiawm a ni.
