MSACS leh Aizawl Football Club-in thawh dunna thuthlung an siam bawhzuiin Aizawl Football Club thawktute tan Football hmanga HIV/AIDS kai theihna laka inven dan tur zirhona buatsaih a ni. Hemi puala inkhawm Aizawl Dawrpui venga Aizawl FC Pisa-a neihah hian MSACS Joint Director (IEC), Pi Zuiliani Hrahsel leh Deputy Director, Pu Zaihmingthanga’n HIV/AIDS chungchanga thil pawimawh hrang hrang an hrilhfiah a. Football hmanga naupang nun kal sual tur ven a pawimawh zia te, chhungkaw kehchhe tur kawng dik lama kaihhruai a nih theih dan te, damdawi hmansualin mihring nun a tihchhiat theih zia an sawifiah a ni. He zirhonaah hian Aizawl FC Secretariat-a thawktute leh Mizoram hmun hrang hranga Aizawl FC Academy Coach-te an tel a ni.
