P&E hotute hnen a\anga Zonet thudawn danin, Power House Complex-a hnatawh a nih dawn avang hian Aizawl khawpui chhung veng \henkhat – Temple leh a chheh vel, Treasury Square, Zodin Square, Dawrpui, Electric Veng, Saron Veng, Tuithiang veng \henkhat, Chhinga veng, Ramthar veng \henkhat, Ramthar North, Armed Veng, Zarkawt, Chanmari, Chaltlang Dawrkawn a\anga DIET Building, Laipuitlang, Ramhlun PWD Mual, Chaltlang Lily veng, Bawngkawn Brigade, Bawngkawn Shalom veng, Bawngkawn leh |huampui inkar kawng kam leh hemi kawng chung lam vengten kawlphetha an hmu thei dawn lo a ni.
Heng venga power supply pek chhuahna Electric Veng Power House Complex-a 33kV Indoor Substation-a Power Transformer lian pahnih hman lai chu a aia lian zawk leh a thar a thlak a ni dawn a, hei hian kaihhnawih tam tak a neih avangin hnathawh hun chung hi a rei deuh dawn a ni. P&E hotute chuan, Inrinni-a power shutdown awm \hin chu a tul vang ni bawk mah se, mipuiin tawrhna thlir chunga sorkar chawlh dang remchanga kalpui tum a ni a, hetihrual hian heng transformer lian khaizo tur Crane hi Mizoramah a awm lova, hmun danga mi dap chawpin, Crane hman tur remchang an hmuh hun hi Inrinni a nih avangin hna hi an thawk lo thei lo tih an sawi.
Transformer hman lai hian Aizawl khawpui chhunga a chawm vengte chu power supply hman nasat hun lai, a bikin thlasikah a chawm hneh tawk tawh lova, a chhiat mai loh nan Load shedding tih a ngaih \hin avangin engtik lai pawha mipuiten power supply hnianghnar an dawn theih nan a aia lian zawk hian thlak a ni dawn tih P&E hotute chuan an sawi a ni.
