Aizawl Electric veng Branch YMA-in nizan khan YMA kumpuan “Ram leh Hnam Humhalh” chu an veng YMA Hall-ah an hawng a. A hawngtu Central YMA General Secretary, Pu Lalhmachhuana chuan, Mizo tlawmngaihna dik tak nen a, midang ngaipawimawh chunga Ram leh Hnam Humhalh a \ul tawh hle tih a sawi a. Ram leh hnam humhalh tur chuan thawh hreh nei lova, intodelh tur leh thawh theih loh nei lo tura mahni inzir peih a pawimawh tih a sawi. Pu Lalhmachhuana chuan, khawvel \hang chho zelah ngaihsan tur dik ngaihsan a, ngaihsan loh tur thil dik lo leh \ha lote hnualsuat ngam a ngai tawh tih sawiin, dik lo taka sum lalut \hinte chu mipuiin an hnuatsuat a, khawtlang leh kohhranin an hawisan a hun tawh tih a sawi. Nizana Electric veng Branch YMA-in YMA kumpuan a hawnaah hian tunhnaia MZP-in Bairabi Zophai hmuna Zofate Chawlhbuk sak a tumnaa thih pawh huama ram chhanna atana penchhuak an Branch Vice President, Pu C. Lalrokhuma chu an ngaihsanna leh chhuan zia lantir nan Tawlhloh Puan an sin tir a ni. Aizawl Electric veng Branch YMA hian tun hnai kum 4 kalta chhungin Branch YMA zinga Kumpuan bawhzui \ha lawmman Pakhatna \um 3 an dawng a ni.
