Aizawl District Village Council Association chuan ni 100 inhlawhna tia hriat, MGNREGS hnuaia hnathawh hlawh pe chhuak nghal lova hren khawtlai a ni \hin chu \ha lo an tih thu an sawi. Hemi chungchanga vawiina thuchhuah siamin Aizawl District Village Council Association Chairman, Pu Zonunthara leh Secretary, Pu Lalruatzela chuan mipuite hnathawh hlawh dawn tur ruahman fel a nih hnuah leh mipuiten an hna thawh tur te an thawh zawh vek hnuah an hnathawh hlawh chu rei tak hren khawtlai niin an sawi a, sorkar laipui a\anga ni 100 inhlawhna tur sum lo kal chu hnathawktuten an thawh zawh ruala dik taka an dawn zel theih nan Mizoram sorkar chu \an la turin an ngen a, Aizawl District chhunga Rural Development Block pahnih – Darlawn leh Phullen Block-ah chuan kumin June ni 5 leh ni 6 inhlawhna tur sanction leh, June ni 7-a ni 3 inhlawhna tur sanction anga hnathawh tur, July thlaa mipuiten an thawh zawh vek tawh hlawh chu tun thlengin mipuiten an la dawng lo niin an sawi a, pek thuai a nih theih nan \an la turin thuneitute an ngen a ni.
