Home Minister, Pu R. Lalzirliana’n tun hnaia Home Department hotuten Aizawl District Rural SP din tura ruahmanna an lo siam chu sorkar hriatpui loh leh dan kalh a nih avangin tihtawp nghal a ni tih a sawi a. Tun hnai deuh khan Home Department DCP \hukhawm chuan Aizawl District chu a len deuh avang leh mi pakhat tan enkawl a harsat avangin Rural SP siam turin rawtna an nei a, hei hi sorkar hriatpui loh a nih thu leh Post thar siam tur chuan Finance Department pawmpuina thlenga ngai a nih avangin he rawtna hi tihtawp a ni leh tawh tih a sawi. Pu R. Lalzirliana chuan, tun hnaia Lawngtlai SP sawn a nih hnua a aiawh dah rih loh a nih chungchang chu thil mak vak a nih loh thu leh a aiawh tur dah a nih hma chu a hnuaia miten a ai an lo awh rih mai dawn tih a sawi a. SP tur hi phai lam a\anga lo kal tur an awm ve reng bakah Mizo pawh dah mai theih an awm tho bawk tih a sawi. Home Minister sawi danin, tun dinhmunah hian Mizoramah Aramed Battalion 3 : 1st MAP, 2nd MAP leh 3rd MAP bakah IR Battalion 5 : 1st IR, 2nd IR, 3rd IR, 4th IR leh 5th IR Battalion-te a awm a, heng Battalion hrang hrangah hian hnaruak 2004 a awm mek a ni.
