He zir hona, Horticulture Conference Hall-a neih hi Aizawl District Horticultre Officer, Pu Vanlalnuntluanga Renthlei-in a kaihruai a, a hmanpuitu Horticulture Director, Dr. Elizabeth Saipari chuan, a thar hun pangngai ni lova zikhlum thar tur, Off Season Cabbage chu harsa taka ram dang a\anga chawk luh a ni tih sawiin, hlawhtling taka chin tum turin a chah a. Hetiang bawk hian Dragon Friut pawh awlsam tea intodelh theihna a ni a, hetihrual hian namnul taka enkawl chi erawh a nih loh avangin hlawhtling turin theihtawp chhuah a ngai a ni, a ti. Dr. Elizabeth Saipari chuan, a bikin zikhlum ching turte chu fur laia Mizoramin zikhlum a intodelh theih nana \anla tura chahin, hei hian an mahni hlawkna bakah Mizoram sum leh pai dinhmun thlenga a nghawng theih dawn avangin chik taka rilru ngaihtuahna seng chunga hmala turin a chah a. Hetihrual hian vawi leh khata an thar \euh chuan a hralhna turah harsatna a thlen theih dawn avangin a tahtawla hralh theih tura thar tum turin a chah a ni.
Dragon Fruit leh Zikhlum ching turte hi Sorkar laipui hnuaia Mission Integrated for Development of Horticulure hmanga thlan an ni a, hetah hian Aizawl District chhung khaw hrang hrang a\angin Dragon Fruit mi 55 leh zikhlum ching tur mi 88 an vaiin, mi 143 thlan an ni a. Dragon Fruit ching tura thlante hi mi pakhat Rs. 1,20,000 zel \anpuina pek an ni dawn a, hemi ang zat chiah Rs. 1,20,000 chu an mahni tum ve tur niin, Rs. 2,40,000 hmanga hmala tura beisei an ni a. Zikhlum ching tura thlante chu Rs. 25,000 \heuh pek tur an ni thung.
