ADCC hian MNF chu inthlan dawna mipui te hnena thil tam tak intiamah puhin an intiam zingah tihhlawhtlin an la nei lo niin an sawi a, mipuite tham lohna leh zah lohna lian tak a ni an ti a, mipui, Kohhran leh NGO te duh loh CAA chu State dang te hman tura MNF in a tlawp tlat chu a Mizo lovin, a Kristian lo hleaa an ngaih thu an sawi.
ADCC hian, School Board exam tur atana inbuatsaih hun laiin kawlphetha mumal lo chu zirlaite leh zirlai nu leh pa te an mangang hle niin an sawi a, tuithianghlim khamkhawp mipui te hnena pe thei loah sorkar chu puhin a manganthlak hle a ni an ti a, hetihlai hian electric hman man leh tui bill te erawh a sang thung nia sawiin hei hi mipuite hmakhua ngaih lohna leh miretheite rah behnaah an ngai tih an sawi.
ADCC hian vawiin khan an huam chhunga an pary hruaitute tan political training Lal Thanhawla Auditorium ah an buatsaih a, hetah hian an party Treasurer Pu Zodintluanga, General Secretary Pu Lal Thanzara leh hruaitu dang ten thu an sawi a ni.
